“DEáMBULOS“ é unha colección de pintura, que parte dunha idea unitaria, un traballo que se foi prolongando nun tempo certamente indefinido, con desigual insistencia, pero sempre mantendo un nexo conceptual e reflexivo. A mirada desta mostra deambula, algunha das veces, con certas
reminiscencias figurativas.
Unha das esencias de “DEáMBULOS“ é a cor, para o creador, algo moi significativo, ata tentar configurar un mapa estético e emocional, cunha paleta mínima que xoga nunha narrativa que transita sobre a obra e sobre o movemento.
Cicais, un certo minimalismo, na percura de ter máis con menos. A estructura da obra, coido que finalmente, orientalizou estas pinturas de “DEáMBULOS“, con liñas simples e unha cor de expresión potente e comunicadora.