"O desenrolo do bosquexo" é o título desta primeira exposición individual de Fran López Cierto que integra varias das disciplinas desenvolvidas ao longo da súa traxectoria artística. Nela pódense ver dende dibuxos orixinais e ilustracións, ata esculturas ou animacións feitas en diferentes etapas, que mostran a súa diversidade creativa.

Nado en Noia, Fran é un caricaturista, ilustrador e creativo de diferentes ámbitos artísticos. Dende ilustración, murais, mestre de debuxo e manualidades, caricaturas e retratos por encargo ou en vivo para eventos, pasando pola creación de cómic e storyboard. Respáldano moitos anos de experiencia como deseñador de logos, cartelería, camisetas, etc…

Xunto ás disciplinas de Ilustración e Deseño Gráfico, Fran traballa duro no modelado desde pequeño, por iso cursou ademáis un ciclo de artes plásticas en deseño de escultura aplicada ás decoracións de espectáculos na escola de Artes e Oficios Pablo Picasso de A Coruña. Sen desvincularse do espectáculo e as artes escénicas, conta ademáis con diversos proxectos audiovisuais nos que continúa traballando: cortos, animación 2D e 3D, unha serie de marionetas e moito máis.

Entre os seus últimos traballos están os que forman parte desta exposición. Unha serie de viñetas realizadas para A Voz de Galicia na sección de pasatempos “Os 8 errores de Fechan”. E tamén as ilustracións orixinais para un libro escrito por Sophia Morrison e traducido ao galego por Milagros Torrado Cespón de próxima publicación titulado “Contos da Illa de Man”.